Kataloniyaning «Barselona» klubi Ispaniya chempionatining yangi mavsumini ajoyib tarzda boshladi. Hansi Flik shogirdlari safarda «Elche» darvozasiga javobsiz beshta to‘p kiritib, 5:0 hisobida yirik g‘alabaga erishdi.
Ma’lum bo‘lishicha, bu «Barselona»ning La Ligadagi mavsumning dastlabki uchrashuvida so‘nggi 13 yil ichida qayd etgan eng yirik g‘alabasi bo‘ldi.
Kataloniyaliklar bundan ham yaxshiroq natijani 2013 yilda qayd etgan. O‘shanda «Barselona» Ispaniya chempionatining ilk turida «Levante»ni 7:0 hisobida tor-mor etgandi. Biroq o‘sha mavsum yakunida chempionlik «Barselona»ga emas, Madridning «Atletiko» klubiga nasib qilgan.
«Barselona» Ispaniya chempionatining navbatdagi turida «Atletik»ni qabul qiladi. Uchrashuv 27 avgust, payshanba kuni bo‘lib o‘tadi.
