Франциялик ярим ҳимоячи Адриен Рабьо яна «Милан»нинг асосий қаҳрамонларидан бирига айланди. У «Торино»га қарши ўйинда захирадан майдонга тушиб, гол урди ва голли узатмани амалга оширди. «Милан» эса 2:1 ҳисобида ғалаба қозонди.

Рабьо бу ўйиндаги ҳаракати билан Жаҳон чемпионатидан кейин таътили узайиб кетгани учун уни танқид қилганларга муносиб жавоб берганини таъкидлади.

«Жаҳон чемпионати биз учун жуда яхши ўтди — ҳар доим ҳам ярим финалга чиқавермайсиз. Майк Меньян билан Аморимдан яна бир неча кун дам олишга рухсат сўрадик ва у рози бўлди. Нима учун бу масала шунчалик катта баҳсга айланганини тушунмадим, аммо Италияда доим шундай бўлади. Мураббий нимани хоҳлаётганини ва мендан нимани кутаётганини тушундим. Ғалаба, гол ва голли узатмадан хурсандман», — деди Рабьо.

Эслатиб ўтамиз, Рабьо «Милан» сафидаги иккинчи мавсумини бошламоқда.