Франциялик ярим ҳимоячи Адриен Рабьо «Милан»нинг янги мавсумдаги илк расмий учрашувидаёқ ўзини кўрсатди. У «Торино»га қарши баҳснинг асосий қаҳрамонига айланиб, битта гол урди ва голли узатмани амалга оширди.

Рабьонинг айтишича, Рубен Аморим қўл остидаги янги тактик вазифаси унга маъқул келмоқда. Франциялик футболчи энди рақиб дарвозасига анча яқинроқ ҳаракат қилаётганини таъкидлади.

«Албатта, тўпни олиб қўйганимизда мен рақиб дарвозасига яқинроқ жойлашган бўламан. Шу сабаб жарима майдонига тез кириб бориш имкониятига эгаман. Биз тўпга кўпроқ эгалик қиламиз ва бу вазиятлар яратишни осонлаштиради», — деди Рабьо.

Эслатиб ўтамиз, Рабьо аввал Италияда «Ювентус» шарафини ҳимоя қилган. Айни пайтда у «Милан» сафидаги иккинчи мавсумини ўтказмоқда.