"Лилль" ярим ҳимоячиси Айюб Буадди "Манчестер Сити"га ўтиб, Англия Премьер-лигаси тарихида янги трансфер рекордини ўрнатиши кутилмоқда.
Sky Sports маълумотига кўра, "шаҳарликлар" 18 ёшли футболчи трансфери бўйича "Лилль" билан келишувга эришган. Битимнинг кафолатланган қисми 95 млн еврони ташкил этади, яна 5 млн евро бонуслар кўринишида тўланиши мумкин.
Шу тариқа, Марокаш терма жамоаси ярим ҳимоячиси АПЛ тарихидаги энг қиммат ўсмир футболчига айланади.
Ҳозирга қадар мазкур рекорд Лени Йорога тегишли эди. "Манчестер Юнайтед" 2024 йилда уни "Лилль"дан 62 млн евро ва 8 млн евро миқдоридаги бонуслар эвазига харид қилганди.
Буаддининг "Манчестер Сити"га трансфери умумий ҳисобда 100 млн еврогача етиши мумкин.
