«Рома» ва «Интер» ўртасида вингер Луис Энрике трансфери бўйича келишув амалга ошмади, дея хабар беради инсайдер Фабрицио Романо.

Аввалроқ клублар 24 ёшли бразилиялик футболчининг трансфери борасида бонусларни ҳисобга олган ҳолда 30 миллион евро миқдорида келишиб олгани хабар қилинган эди, бироқ футболчининг ўзи ҳали бу ўтишни маъқулламаганди.

Таъкидланишича, томонлар келишувга эриша олишмади ва энди «Рома» бу трансферни амалга ошириб бўлмайди деб ҳисобламоқда. «Интер» футболчининг кетишини маъқуллашга тайёр эди, аммо Энрике трансфер шартларини келишиб олмади.