«Лилль» клуби ҳужумчиси Оливье Жиру жамоанинг янги бош мураббийи Давиде Анчелоттининг иш услуби ва футболчилар билан мулоқот қилиш маданияти ҳақида илиқ фикрлар билдирди. Эслатиб ўтамиз, Карло Анчелоттининг ўғли мавсум олжидан француз клубини бошқарувига келган эди.

«Бу аллақачон етакчилик ва етилиш даврини бошлаб улгурген мураббий. У мендан бир неча ёш кичик бўлса-да, ўта билимдон ва ўз ишига қизиқувчан. У нафақат футболдаги, балки бошқа соҳалардаги буюк мураббийларнинг фаолиятидан ҳайратланади.

У ҳар сафар биз билан мулоқот қилганда метафоралар ёки ўзи қизиқадиган грек мифологиясидан парчалар ишлатишга ҳаракат қилади. Бу жуда кучли ва таъсирли хабарлар беради, унинг дунёқараши кенг ва у футболчилари билан тўғри мулоқот қилишни билади. У спорт ва футболдаги машҳур шахсларнинг иқтибосларидан кенг фойдаланади», — деди Жиру клуб матбуот хизматига.

Тажрибали ҳужумчи мураббийнинг очиқлиги ва футболчиларга яқин экани жамоада ўзаро ишонч ҳамда фидойиликни ошираётганини қўшимча қилди.