Англия Премьер-лигасида чемпионликни ҳимоя қилиш контекстида «Челси»нинг собиқ футболчиси Жон Оби Микел «Арсенал»нинг ўйин услуби ҳақида ўз фикрларини билдирди.

«Ўйлайманки, «Арсенал» чемпионликни ҳимоя қилишга ҳаракат қилади, аммо асосий савол улар буни қандай амалга оширишида. Улар янада қизиқарли футбол ўйнашни бошлашадими ёки ўтган мавсумдагидек зерикарли бўлиб қолишадими? Ҳамма жамоа ўзини қандай кўрсатишини кўришни хоҳлайди, чунки уларда таркибда юқори савияли футболчилар жуда кўп. Шунчаки ўз имкониятларингизни кўрсатинг. Энди 22 йил давомида чемпионлик бўлмагани каби оғир юк йўқ.

Энди «Арсенал» чемпионликни ҳимоя қилиш ва юзни йўқотмаслик учун бироз эркинроқ ўйнаши керак. Ҳамма ҳам айнан шуни кўришни хоҳлайди. Биз фақат жарима ва бурчак тўпларидан гол урадиган зерикарли «Арсенал»ни кўришни истамаймиз. Янги мавсумнинг биринчи ўйинида («Ковентри Сити»га қарши) улар жуда яхши ҳаракат қилишди. Мен айнан шу ҳақида гапиряпман», — деди Оби Микел.