Саудия Арабистонининг «Ал-Ҳилол» клуби «Арсенал» вингери Габриэл Мартинеллини ўз сафига қўшиб олишга яқин турибди.

Инсайдер Фабрицио Романо маълумотига кўра, клублар трансфер шартлари бўйича деярли келишувга эришган. «Ал-Ҳилол» 25 ёшли бразилиялик футболчи учун 50–55 миллион фунт (58–64 миллион евро) таклиф қилмоқда. «Арсенал» ушбу таклифни қабул қилиши кутилмоқда.

Саудия клуби Мартинеллининг ўзига ҳам шартнома таклифини юборган. «Ал-Ҳилол» раҳбарияти трансферни шу ҳафтанинг ўзида якунлашга умид қилмоқда.

«Арсенал»да Мартинеллига келгуси режаларда ишонч билдирилмаяпти. Футболчининг Лондон клуби билан амалдаги шартномаси жорий мавсум якунида тугайди.

Аввалроқ Мартинелли Туркиянинг «Галатасарой» клубига ўтиш таклифини рад этган эди.