Россиялик ярим ҳимоячи Алексей Батраков «Галатасарой» футболчилари олдида нутқ сўзлади.

Футболчи Истанбул клубига ўтганидан хурсанд эканини таъкидлади, шунингдек, жамоа бош мураббийи Окан Бурукка миннатдорлик билдирди.

«Ушбу буюк клубга қўшилганимдан жуда хурсандман. Менга берилган имкониятдан фойдаланиб, жамоа билан бирга ажойиб вақт ўтказишни истайман», — деди Батраков.

Футболчининг ушбу нутқи акс этган видеони Sami Yen Gündem ижтимоий тармоқда эълон қилди.

Аввалроқ Истанбул аэропортида «Галатасарой» мухлислари россиялик футболчини илиқ кутиб олишган эди.

Эслатиб ўтамиз, Туркия клуби Батраков трансфери учун «Локомотив»га 29 миллион евро тўлади. «Галатасарой» футболчи трансфери бўйича тўловларни 2027 йил декабрига қадар тўлиқ амалга ошириши керак.