Аргентина терма жамоаси ва Лондоннинг «Челси» клуби ярим ҳимоячиси Энцо Фернандес ҳамон АПЛнинг бошқа бир вакили — «Манчестер Сити» қизиқишлари доирасида бўлиб турибди.
Инсайдер Фабрицио Романонинг ижтимоий тармоқлар орқали хабар беришича, «Манчестер Сити» раҳбарияти юлдуз футболчини харид қилиш бўйича расмий таклиф тайёрламоқда. Клуб Фернандесни трансфер ойнаси ёпилгунига қадар ўз сафига қўшиб олишга умид қилмоқда.
«Челси» эса таклиф қилинадиган товон пули миқдори клубни қаноатлантирса, Энцо билан хайрлашишга тайёр. Аввалроқ Лондон клуби Фернандесни 140 миллион еврога баҳолаётгани ҳақида хабар берилган эди.
2025/2026 йилги мавсумда аргентиналик футболчи барча мусобақалар доирасида 54 та учрашувда майдонга тушиб, 15 та гол урди ва 7 та голли узатмани амалга оширди.
