«Ливерпуль» ва «Севилья» клубларининг собиқ ҳимоячиси Альберто Морено фаолиятини Испанияда давом эттиради. 34 ёшли футболчининг янги жамоаси «Мальорка» бўлди.
Клуб матбуот хизмати маълум қилишича, Морено «Мальорка» сафига эркин агент сифатида қўшилди. Тажрибали испаниялик футболчи Сегунда вакили билан келаси йилнинг ўрталарига қадар мўлжалланган қисқа муддатли шартнома имзолади. Битимда ҳамкорликни яна бир мавсумга узайтириш имконияти ҳам кўзда тутилган.
Морено сўнгги икки йил давомида Италия А Сериясида тўп тепди. Испаниялик ҳимоячи «Комо» шарафини ҳимоя қилди.
Сегундада икки турдан сўнг «Мальорка» турнир жадвалида 12-ўринни эгаллаб турибди.
