Ярим ўрта вазнда UFC чемпиони, россиялик жангчи Ислам Махачев ирландиялик Иэн Гэрри билан ўтказилган титул жангидаги ғалабасидан бир ҳафта ўтиб селфи жойлаштирди.

16 август куни Махачев ҳакамларнинг бир овоздан чиқарган қарори билан Гэррини мағлуб этган ва UFC чемпионлик камарини сақлаб қолган эди.

Янги суратда Исламнинг юзида бир нечта кўкаришларни кўриш мумкин. Эслатиб ўтамиз, АҚШнинг Пенсильвания штати Атлетика комиссияси Гэрри билан жанг вақтида олинган жароҳатлар сабабли Махачевни 30 кунга жанглардан четлатган эди.

Ислам Махачев ММАда 30 та жанг ўтказиб, 29 та ғалабага эришган. У UFC жангчиларининг вазн тоифасидан қатъи назар янгиланган рейтингида 1-ўринни эгаллаб турибди.