Yarim o‘rta vaznda UFC chempioni, rossiyalik jangchi Islam Maxachev irlandiyalik Ien Gerri bilan o‘tkazilgan titul jangidagi g‘alabasidan bir hafta o‘tib selfi joylashtirdi.

16 avgust kuni Maxachev hakamlarning bir ovozdan chiqargan qarori bilan Gerrini mag‘lub etgan va UFC chempionlik kamarini saqlab qolgan edi.

Yangi suratda Islamning yuzida bir nechta ko‘karishlarni ko‘rish mumkin. Eslatib o‘tamiz, AQSHning Pensilvaniya shtati Atletika komissiyasi Gerri bilan jang vaqtida olingan jarohatlar sababli Maxachevni 30 kunga janglardan chetlatgan edi.

Islam Maxachev MMAda 30 ta jang o‘tkazib, 29 ta g‘alabaga erishgan. U UFC jangchilarining vazn toifasidan qat’i nazar yangilangan reytingida 1-o‘rinni egallab turibdi.