«Челси» ҳужумчиси Жоао Педронинг фикрича, унинг ўзи, Коул Палмер ва Морган Роджерсдан иборат ҳужум учлигини рақиблар тўхтатиши жуда қийин бўлади. АПЛ биринчи тури доирасида «Фулхэм»га қарши кечган ўйинда (3:2) ушбу уччала футболчи ҳам ўз ҳисобига гол ёздириб қўйди.

«Коул ва Морган — ўзига хос ўйинчилар. Агар мен бўш зонага очилсам, улар менга тўпни етказиб беришади. Биз кўп ҳаракат қиламиз ва ҳимоячиларга кимни қўриқлашни танлаш қийин кечади. Менежжер бизга майдонда эркинлик беради ва биз бир-биримизни жуда яхши тушунамиз», — деди футболчи.

Бразилиялик ҳужумчи, шунингдек, «Челси» олдига катта совринларни қўлга киритиш мақсади қўйилганини таъкидлаб, «Астон Вилла»дан келиб қўшилган Роджерс жамоага юқори натижаларга эришишда ёрдам беришига ишонч билдирди. Жоао Педро 9-рақамни танлаганини ва клуб тарихида бу футболка боғлиқ босимдан қўрқмаслигини қўшимча қилди.