"Челси" "Манчестер Юнайтед" ҳужумчиси Маркус Рэшфордни трансфер қилиш имкониятини кўриб чиқмоқда.
The Independent маълумотига кўра, Лондон клуби трансфер ойнаси ёпилгунига қадар ҳужум чизиғига яна бир универсал футболчи қўшмоқчи. 28 ёшли Рэшфорд чап ва ўнг қанотда, шунингдек, марказий ҳужумчи сифатида ўйнай олади. Ҳозирча расмий таклиф юборилмаган.
Рэшфорд "МЮ" академияси тарбияланувчиси бўлиб, клуб уни бошқа жамоадан сотиб олмаган. Унинг манкунианликлар билан шартномаси 2028 йил 30 июнгача амал қилади. Transfermarkt футболчининг ҳозирги бозор қийматини 40 млн еврога баҳоламоқда.
Англиялик футболчи ўтган мавсумларнинг бир қисмини "Астон Вилла" ва "Барселона"да ижарада ўтказиб, бу ёзда "МЮ"га қайтди.
