Англиянинг «Сандерленд» клуби собиқ футболчиси Дэнвер Хьюм 28 ёшида профессионал фаолиятини якунлашини маълум қилди.
Бунга ўтган йил октябрь ойида «Флитвуд Таун» билан машғулот пайтида содир бўлган нохуш ҳолат оқибатида бош суяги жароҳати ва мияга ички қон қуйилиши сабаб бўлди.
Орадан ўн ой ўтгач, шифокорлар футболчига профессионал футбол ҳақида бошқа ўйламасликни қатъий тавсия қилди.
Хьюм фаолияти давомида Англия Премьер-лигасида «Сандерленд» сафида тўп тепган. Ушбу клуб таркибида жами 84 та учрашувда майдонга тушган. Шунингдек, унинг фаолиятида «Портсмут» ва «Гримсби Таун» каби клублар ҳам бор.
