Шимолий Ирландияда футболни бошқарувчи Ирландия футбол ассоциацияси (IFA) ФИФА президентлиги учун навбатдаги сайловда Жанни Инфантино номзодини қўллаб-қувватлашдан воз кечди.
Эслатиб ўтамиз, июль ойи охирида ФИФА Жаҳон чемпионати ҳуқуқларини сотиш учун FIFA Forward Enterprise (FFE) номли янги тижорий тузилма ташкил этишни режалаштираётгани маълум бўлган эди.
Кейинчалик футбол конфедерацияларининг танқидлари ва УЕФАга аъзо мамлакатлар томонидан Жаҳон чемпионатини бойкот қилиш таҳдидлари ортидан Инфантино мазкур ғоядан воз кечишга қарор қилди.
"Ирландия футбол ассоциацияси ФИФА президенти Жанни Инфантинони қўллаб-қувватлашини қайтариб олди.
ФИФА активларининг бир қисмини ҳеч қандай маслаҳатлашувсиз хусусий инвестиция компаниясига сотиш таклифи оддий коммуникация муаммосидан кўра жиддийроқ масаладир.
Бизнингча, бу стратегия, бошқарув ва активларимизни тасарруф этишнинг фундаментал тамойилларини шубҳа остига қўяди. Биз ўзгариш вақти келди, деб ҳисоблаймиз", — дейилади IFA баёнотида.
