"Наполи" "Челси" ҳужумчиси Марк Гиу трансфери бўйича музокараларни фаоллаштирди. 20 ёшли испаниялик футболчи Неаполь клубининг ҳужум чизиғини кучайтиришдаги асосий мақсадига айланган.
Журналист Жанлука Ди Марцио маълумотига кўра, "Наполи" Гиу учун 15-16 миллион евро ва қўшимча бонуслар таклиф қилишга тайёр. Гап футболчини тўлиқ сотиб олиш ҳақида кетмоқда.
Италия клуби яқин вақт ичида музокараларни янада жадаллаштириши мумкин.
Гиунинг ўзи ҳам трансферга қизиқиш билдирмоқда. У кўпроқ ўйин амалиётига эга бўлиш ва мунтазам равишда майдонга тушишни хоҳлаяпти.
Футболчининг ёши ҳам "Наполи" учун қўшимча устунлик ҳисобланади. Гиу 2006 йилда туғилгани сабабли, А Серия қоидаларига кўра чемпионат қайдномасида алоҳида ўрин эгалламайдиган футболчи сифатида рўйхатдан ўтказилиши мумкин.
