"Тоттенхэм" бош мураббийи Роберто Де Зерби клубнинг трансфер бозорида катта маблағ сарфлаётгани ҳақида фикр билдирди.
Жорий ёзда "шпорлар" янги футболчилар учун 350 миллион евродан ортиқ маблағ сарфлади. Яқинда Лондон клуби "Манчестер Сити"дан вингер Савиньони қарийб 88 миллион еврога харид қилганини эълон қилди.
"Трансферлар сабаб ҳеч қандай қўшимча босим ҳис қилмаяпман. Агар имконият бўлса, яна катта маблағ сарфлаб футболчилар сотиб оламан. Бунда ҳеч қандай муаммо кўрмайман. Бошқа клублар ҳам худди шундай қиляпти.
Мен фақат дунёнинг энг яхши клубларидан бирида ишлаётганим учун босим ҳис қиламан. Бу клубга совринлар ютишида ёрдам беришни истайман. Бу мавсумдами ёки кейингисидами — билмайман.
Нега "Тоттенхэм" "Ливерпуль", "Челси", "Арсенал" ва "Манчестер Сити" билан рақобат қила олмаслигини тушунмайман. Нега биз ҳам улар каби маблағ сарфлай олмаймиз?
"Челси" мисолини эслаш мумкин. Улар Клублар ўртасидаги жаҳон чемпионатини ютишди. Катта харажатлардан кейин натижага эришиш учун уларга икки-уч мавсум керак бўлди. Менимча, биз бунга анча тезроқ эришамиз", — дея Де Зербининг сўзларини келтиради Standard.
Эслатиб ўтамиз, "Тоттенхэм" Премьер-лиганинг биринчи турида "Брентфорд"га 0:3 ҳисобида мағлуб бўлган.
