Собиқ италиялик ҳужумчи Жанпаоло Паццини "Милан"га Рафаэл Леау билан хайрлашишни тавсия қилди. Унинг фикрича, футболчи ва клуб ўртасидаги муносабатларни аввалги ҳолатига қайтариш энди жуда қийин.
"Менимча, "Милан" уни сотиши керак. Бу воқеа жуда чўзилиб кетди. Ўтган йили у яхши ўйнамади, қолаверса, ўз баёнотлари билан вазиятни янада оғирлаштирди.
Ҳозирги босқичда муносабатларни қайта йўлга қўйиб, ҳаммасини бошидан бошлаш жуда қийин бўлади, деб ўйлайман. Шунинг учун барча учун энг яхши қарор — йўлларни ажратиш", — дея Паццинининг сўзларини келтиради pianetamilan.it.
Эслатиб ўтамиз, Рафаэл Леау 2019 йилдан бери "Милан" шарафини ҳимоя қилиб келмоқда.
