«Нант» Грегор Пуарье жамоанинг янги бош мураббийи этиб тайинланганини расман эълон қилди.
44 ёшли мутахассис бу лавозимда Мишель Тер-Закаряннинг ўрнини эгаллади ва «Канарейкалар» билан 2028 йилнинг ёзига қадар мўлжалланган шартнома имзолади.
Пуарьенинг охирги иш жойи 2024 йил июлидан буён бошқариб келган «Ред Стар» клуби бўлган. Унинг қўл остида жамоа Лига 2 да тўртинчи ўринни эгаллаб, Лига 1 га чиқиш босқичида қатнашиш ҳуқуқини қўлга киритган, бироқ 1/4 финалда «Родез»га имкониятни бой берган эди (2:3).
«Нант» дастлабки учта турда бирорта ҳам очко тўплай олмай, Лига 2 турнир жадвалида сўнгги ўринни эгаллаб турибди. Кейинги учрашувда «Канарейкалар» 29 август куни «Генгам»га қарши майдонга тушади.
