«Реал Сосьедад» ҳимоячиси Жон Мартин «Реал»га қарши ўйин олдидан мадридликлар ҳужумчиси Килиан Мбаппени Винисиус Жуниорга қараганда тўхтатиш қийинроқ рақиб деб атади.
20 ёшли марказий ҳимоячи «Сантьяго Бернабеу»да аллақачон тўрт марта ўйнаганини ва Мадрид клубига қарши учрашувлар доимо ўзига хос бўлишини таъкидлади.
«Агар биттасини танлашим керак бўлса, Мбаппени танлардим. Чунки у ҳужумчи сифатида менга яқинроқ ўйнайди, шунингдек, бўшлиқлардан фойдаланиши ва бирга-бир вазиятлардаги ўйини туфайли уни тўхтатиш қийин», — деди Мартин.
Мартин шунингдек, «Реал» ҳануз энг яхши жамоалардан бири бўлиб қолаётганини таъкидлади.
