Ўзбекистон Суперлигасининг 19-тур учрашувларини стадионларда жами 47 963 нафар мухлис томоша қилди.

Турнинг энг кўп томошабин йиғган баҳси «Нефтчи» — «Сўғдиёна» учрашуви бўлди. «Истиқлол» стадионида ўтган мазкур ўйинни 13 535 нафар мухлис бевосита кузатди.

Иккинчи кўрсаткич «Динамо» — «Пахтакор» баҳсига тўғри келди. Самарқанддаги «Динамо» стадионига 12 620 нафар томошабин ташриф буюрди.

«Андижон» — «Хоразм» учрашувини «Бобур Арена»да 6 883 нафар, «Қизилқум» — «Насаф» баҳсини эса «Ёшлар» спорт мажмуасида 5 274 нафар мухлис томоша қилди.

«Қўқон-1912» — «Бухоро» ўйинига 3 900 нафар, «Локомотив» — «Бунёдкор» учрашувига 3 205 нафар, «Сурхон» — ОКМК баҳсига 2 071 нафар мухлис ташриф буюрди.

Турнинг энг кам томошабин йиғган учрашуви «Машъал» — «Навбаҳор» баҳси бўлди. Ғузор марказий стадионидаги мазкур ўйинни 475 нафар мухлис кузатди.