O‘zbekiston Superligasining 19-tur uchrashuvlarini stadionlarda jami 47 963 nafar muxlis tomosha qildi.

Turning eng ko‘p tomoshabin yig‘gan bahsi «Neftchi» — «So‘g‘diyona» uchrashuvi bo‘ldi. «Istiqlol» stadionida o‘tgan mazkur o‘yinni 13 535 nafar muxlis bevosita kuzatdi.

Ikkinchi ko‘rsatkich «Dinamo» — «Paxtakor» bahsiga to‘g‘ri keldi. Samarqanddagi «Dinamo» stadioniga 12 620 nafar tomoshabin tashrif buyurdi.

«Andijon» — «Xorazm» uchrashuvini «Bobur Arena»da 6 883 nafar, «Qizilqum» — «Nasaf» bahsini esa «Yoshlar» sport majmuasida 5 274 nafar muxlis tomosha qildi.

«Qo‘qon-1912» — «Buxoro» o‘yiniga 3 900 nafar, «Lokomotiv» — «Bunyodkor» uchrashuviga 3 205 nafar, «Surxon» — OKMK bahsiga 2 071 nafar muxlis tashrif buyurdi.

Turning eng kam tomoshabin yig‘gan uchrashuvi «Mash’al» — «Navbahor» bahsi bo‘ldi. G‘uzor markaziy stadionidagi mazkur o‘yinni 475 nafar muxlis kuzatdi.