Килиан Мбаппе «Реал» тарихидаги энг яхши 25 тўпурар қаторига кирди.

Бугун француз ҳужумчиси Ла Лига 1-туридан қолдирилган «Реал Сосьедад»га қарши учрашувда хет-трик қайд этди. Мадрид клуби 4:1 ҳисобида ғалаба қозонди.

Эндиликда Мбаппе «Реал» сафида 105 та ўйинда 89 та гол урган.

У бу кўрсаткич бўйича 1931–1936 йилларда «Реал»да тўп сурган Луис Регейрони ортда қолдирди. Регейро мадридликлар сафида 88 та гол урган.

«Реал» тарихидаги энг яхши тўпурар эса Криштиану Роналду бўлиб, португалиялик футболчи клуб сафида 450 та гол урган.