«Реал Мадрид» «Рома» ярим ҳимоячиси Ману Конега қизиқиш билдирмоқда.

Мадрид клуби Франция терма жамоасининг 25 ёшли футболчисини кузатиб бормоқда ва уни ярим ҳимоя марказини кучайтириш учун эҳтимолий номзод сифатида кўриб чиқмоқда. Бироқ Ману Конини трансфер қилиш учун «қироллик клуби»га асосий ярим ҳимоячиларидан бирининг кетиши керак бўлади.

«Реал» ўз футболчиларидан бирини АПЛ клубига сотиш эҳтимолини истисно қилмаяпти ва бундай вазиятга тайёргарлик кўрмоқда. «Манчестер Юнайтед», «Ливерпуль» ва «Челси» ярим ҳимоячилар изламоқда. Аввалроқ бу борада Эдуардо Камавинга ва Орельен Тчуамени номлари тилга олинган эди.

«Реал» скаутлари Хуни Калафат раҳбарлигида Конининг ўйинларини стадионларда жонли кузатган. Футболчининг салоҳияти юқори баҳоланмоқда.

AS маълумотларига кўра, француз футболчисининг товон пули миқдори тахминан 60 миллион еврони ташкил қилади.

Коне ўтган мавсумда А Серияда 29 та учрашув ўтказиб, 2 та гол урди, 3 та голли узатма амалга оширди ва 2 та сариқ карточка олди. 2026 йилги Жаҳон чемпионатида эса 5 та ўйинда иштирок этиб, 1 та огоҳлантириш олди.