Хорватиялик ҳужумчи Петар Сучич «Интер» сафидаги иккинчи мавсумига тайёргарлик кўрмоқда. Футболчининг ўзи тан олишича, у Милан клубига «ошиқ бўлган».

Бунга ўтган мавсумда «Интер»нинг ички мусобақаларда қўлга киритган муваффақиятлари ҳам таъсир кўрсатган.

«Мен бу клубга, унинг мухлисларига ва «Интер»нинг бир қисми бўлган барча инсонларга ошиқ бўлдим. Бу дунёнинг энг катта клубларидан бири. Бу ерга келмасдан туриб, унинг нақадар улкан клуб эканини тўлиқ англаш қийин. Менимча, «Интер»га ўтиш ҳаётимдаги энг яхши қарор бўлди», — дея Сучичнинг сўзларини derbyderbyderby.it келтиради.

Эслатиб ўтамиз, Петар Сучич бундан аввал ватанида Загребнинг «Динамо» клуби шарафини ҳимоя қилган.