«Атлетико» ҳужумчиси Хулиан Альварес яна жамоа машғулотини ўтказиб юборди. Бу ҳақда Mundo Deportivo нашри хабар берди.
Манба маълумотига кўра, Альварес «Атлетико» машғулотларида қатнашмаяпти. Икки кунлик танаффусдан сўнг аргентиналик футболчи 28 август, жума куни ҳам клуб базасига келмаган. Клубдаги манбаларнинг таъкидлашича, ҳужумчи бунга касаллик ва ўзини ёмон ҳис қилаётганини сабаб қилиб кўрсатган.
Тарқалган хабарларга кўра, Альварес ҳамон «Барселона»га ўтиш истагида қатъий турибди. Бироқ «Атлетико»нинг позицияси ўзгармаган — клуб аргентиналик футболчини каталонияликлар сафига қўйиб юбормоқчи эмас.
Шу билан бирга, «Атлетико» Альварес бўйича бошқа клублардан тушадиган таклифларни кўриб чиқишга тайёр.
