«Манчестер Сити» раҳбарияти жорий ёзги трансфер ойнасида «Ливерпуль» билан нидерландиялик ҳужумчи Коди Гакпонинг трансфери борасида келишувга эришишга умид қилмоқда.

Инсайдер ва журналист Жанлука Ди Марционинг маълум қилишича, 27 ёшли нидерландиялик футболчи август ойи охирига қадар жамоасини ўзгартириб, Манчестер клубига ўтиши мумкин. «Шаҳарликлар» Савио ва Омар Мармуш «Тоттенхэм»га кетганидан кейин ҳужум чизиғини кучайтирмоқчи.

Мутахассислар Нидерландия терма жамоаси футболчисининг трансфер қийматини 60 миллион еврога баҳоламоқда.

«Ливерпуль»га қадар Гакпо «ПСВ» сафида ўйнаган. Эслатиб ўтамиз, ўтган мавсумда Коди Гакпо Англия чемпионатида «Ливерпуль» таркибида 36 та учрашувда майдонга тушиб, 7 та гол урган ва 5 та голли узатма амалга оширган.