«Арсенал» ярим ҳимоячиси Габриэль Мартинелли «Ал-Ҳилол»га ўтишга розилик берди. Бу ҳақда инсайдер Фабрицио Романо хабар берди.
Аввалроқ журналист Бен Жейкобс Саудия клуби 25 ёшли вингер трансфери бўйича «канонирлар» билан принципиал келишувга эришганини маълум қилган эди. Трансфер суммаси бонуслар билан бирга 66 миллион еврони ташкил этади. Жеймс Бенж маълумотига кўра, лондонликлар 58 миллион еврони кафолатланган тўлов сифатида, яна 8 миллион еврони эса бонуслар кўринишида олиши мумкин.
Клублар 65 миллион евродан ортиқ қийматдаги келишувнинг сўнгги тафсилотларини мувофиқлаштирмоқда. Трансфер музокараларнинг якуний босқичига ўтган. Айни пайтда футболчининг шартнома шартлари ҳам кўриб чиқилмоқда.
Яқин вақт ичида бразилиялик футболчи тиббий кўрикдан ўтказилади.
Мартинелли ўтган мавсумда АПЛда 30 та учрашувда майдонга тушиб, ҳар бир ўйинда ўртача 35 дақиқа ҳаракат қилди. У 1 та гол урди ва 4 та голли узатма амалга оширди.
