«Arsenal» yarim himoyachisi Gabriel Martinelli «Al-Hilol»ga o‘tishga rozilik berdi. Bu haqda insayder Fabrisio Romano xabar berdi.

Avvalroq jurnalist Ben Jeykobs Saudiya klubi 25 yoshli vinger transferi bo‘yicha «kanonirlar» bilan prinsipial kelishuvga erishganini ma’lum qilgan edi. Transfer summasi bonuslar bilan birga 66 million yevroni tashkil etadi. Jeyms Benj ma’lumotiga ko‘ra, londonliklar 58 million yevroni kafolatlangan to‘lov sifatida, yana 8 million yevroni esa bonuslar ko‘rinishida olishi mumkin.

Klublar 65 million yevrodan ortiq qiymatdagi kelishuvning so‘nggi tafsilotlarini muvofiqlashtirmoqda. Transfer muzokaralarning yakuniy bosqichiga o‘tgan. Ayni paytda futbolchining shartnoma shartlari ham ko‘rib chiqilmoqda.

Yaqin vaqt ichida braziliyalik futbolchi tibbiy ko‘rikdan o‘tkaziladi.

Martinelli o‘tgan mavsumda APLda 30 ta uchrashuvda maydonga tushib, har bir o‘yinda o‘rtacha 35 daqiqa harakat qildi. U 1 ta gol urdi va 4 ta golli uzatma amalga oshirdi.