«Болонья» Франкфуртнинг «Айнтрахт» клуби ҳимоячиси Артур Теате трансфери бўйича оғзаки келишувга эришди. Бу ҳақда италиялик трансфер инсайдери Фабрицио Романо хабар берди.

Келишувга кўра, «Болонья» бельгиялик футболчини дастлаб ижара асосида ўз сафига қўшиб олади. Битимда уни 15 миллион еврога сотиб олиш ҳуқуқи ҳамда келажакдаги трансфер суммасининг 15 фоизини «Айнтрахт»га тўлаш шарти кўзда тутилган.

26 ёшли марказий ҳимоячи яқин 24 соат ичида тиббий кўрикдан ўтиши кутилмоқда.

Бу Театенинг «Болонья»даги иккинчи даври бўлади. У аввал ҳам 2020/21 йилги мавсумда ушбу клуб сафида ижара асосида тўп сурган.

Жон Лукумини «Ювентус»га сотган «Болонья» энди Теате трансфери орқали ҳимоя чизиғини кучайтиришни режалаштирмоқда.