«Bolonya» Frankfurtning «Ayntraxt» klubi himoyachisi Artur Teate transferi bo‘yicha og‘zaki kelishuvga erishdi. Bu haqda italiyalik transfer insayderi Fabrisio Romano xabar berdi.
Kelishuvga ko‘ra, «Bolonya» belgiyalik futbolchini dastlab ijara asosida o‘z safiga qo‘shib oladi. Bitimda uni 15 million yevroga sotib olish huquqi hamda kelajakdagi transfer summasining 15 foizini «Ayntraxt»ga to‘lash sharti ko‘zda tutilgan.
26 yoshli markaziy himoyachi yaqin 24 soat ichida tibbiy ko‘rikdan o‘tishi kutilmoqda.
Bu Teatening «Bolonya»dagi ikkinchi davri bo‘ladi. U avval ham 2020/21 yilgi mavsumda ushbu klub safida ijara asosida to‘p surgan.
Jon Lukumini «Yuventus»ga sotgan «Bolonya» endi Teate transferi orqali himoya chizig‘ini kuchaytirishni rejalashtirmoqda.
