Бир нечта манба хабарига кўра, "Челси" футболчиси Кендри Паэснинг "Ривер Плейт"даги ижара шартномаси етарли ўйин амалиётига эга бўлмагани сабаб муддатидан олдин бекор қилинди.
Энди лондонликлар Эквадор терма жамоаси аъзосини Премьер-лиганинг бошқа бир клубига ижарага беришни режалаштирмоқда. "Челси" ҳозирча Паэсни "Стэмфорд Бриж"даги асосий жамоа таркибида ўйнашга тайёр деб ҳисобламаяпти.
"Челси" Паэсни у 18 ёшга тўлиб, клубга қўшилиш ҳуқуқига эга бўлишидан бир неча йил олдинёқ ўз сафига қўшиб олган эди. Лондон клуби ҳужумкор ярим ҳимоячини Жанубий Американинг энг истиқболли ёш футболчиларидан бири сифатида баҳолаганди.
Бироқ футболчининг ривожланиши кутилган даражада кечмади. У ижара асосида ўйнаган клубларда Паэснинг майдондан ташқаридаги ҳаёт тарзи ва ишга муносабати борасида ҳам саволлар пайдо бўлгани айтилмоқда.
