"Кристал Пэлас" "Удинезе" ҳимоячиси Умар Солега қизиқиш билдирмоқда. Foot Mercato маълумотига кўра, Англия клуби футболчи учун 25 миллион евро миқдорида таклиф тайёрламоқда.
"Бургутлар" бошқа трансфер номзоди — Хоэль Ордоньес тиббий кўрикдан ўтиш жараёнида муаммога дуч келганидан сўнг Соле вариантига жиддийроқ эътибор қарата бошлаган.
Дастлаб "Кристал Пэлас" Соле учун кейинчалик сотиб олиш ҳуқуқини кўзда тутувчи ижара таклифини билдирган, аммо "Удинезе" бу вариантни рад этган. Энди Лондон клуби футболчини тўлиқ трансфер қилиш имкониятини кўриб чиқмоқда.
26 ёшли француз ҳимоячисининг "Удинезе" билан шартномаси 2027 йил ёзига қадар амал қилади. У ўтган мавсумда 35 та учрашувда майдонга тушиб, 3 та гол урди ва 1 та голли узатмани амалга оширди.
