"Kristal Pelas" "Udineze" himoyachisi Umar Solega qiziqish bildirmoqda. Foot Mercato ma’lumotiga ko‘ra, Angliya klubi futbolchi uchun 25 million yevro miqdorida taklif tayyorlamoqda.
"Burgutlar" boshqa transfer nomzodi — Xoel Ordonyes tibbiy ko‘rikdan o‘tish jarayonida muammoga duch kelganidan so‘ng Sole variantiga jiddiyroq e’tibor qarata boshlagan.
Dastlab "Kristal Pelas" Sole uchun keyinchalik sotib olish huquqini ko‘zda tutuvchi ijara taklifini bildirgan, ammo "Udineze" bu variantni rad etgan. Endi London klubi futbolchini to‘liq transfer qilish imkoniyatini ko‘rib chiqmoqda.
26 yoshli fransuz himoyachisining "Udineze" bilan shartnomasi 2027 yil yoziga qadar amal qiladi. U o‘tgan mavsumda 35 ta uchrashuvda maydonga tushib, 3 ta gol urdi va 1 ta golli uzatmani amalga oshirdi.
