Foot Mercato хабарига кўра, «Тоттенхэм» ёзги трансфер ойнаси якунланишидан олдин «Эвертон» ҳужумчиси Илиман Ндиайе учун курашга қўшилди. Сенегаллик футболчига «Манчестер Сити» ҳам жиддий қизиқиш билдирмоқда.

Шимолий Лондон клуби Ндиайени ҳужум чизиғини кучайтириш учун муқобил вариант сифатида кўриб чиқмоқда. «Тоттенхэм»нинг асосий трансфер мақсади эса Фоларин Балогун бўлиб қолмоқда.

Шу билан бирга, Ришарлисон эҳтимолий келишув доирасида қарама-қарши йўналишда ҳаракат қилиб, «Эвертон»га қайтиши мумкин.

«Манчестер Сити» эса Ндиайе учун курашда ғолиб чиқиш ниятида қатъий. Хабарларга кўра, футболчи ва клуб ўртасидаги музокаралар ижобий руҳда давом этмоқда.

«Шаҳарликлар» ҳам келишув доирасида ўз футболчиларидан бирини «Эвертон»га таклиф қилиши мумкин. Жек Грилиш Мерсисайдга қайтишга қизиқиш билдирмоқда.