Foot Mercato xabariga ko‘ra, «Tottenxem» yozgi transfer oynasi yakunlanishidan oldin «Everton» hujumchisi Iliman Ndiaye uchun kurashga qo‘shildi. Senegallik futbolchiga «Manchester Siti» ham jiddiy qiziqish bildirmoqda.

Shimoliy London klubi Ndiayeni hujum chizig‘ini kuchaytirish uchun muqobil variant sifatida ko‘rib chiqmoqda. «Tottenxem»ning asosiy transfer maqsadi esa Folarin Balogun bo‘lib qolmoqda.

Shu bilan birga, Risharlison ehtimoliy kelishuv doirasida qarama-qarshi yo‘nalishda harakat qilib, «Everton»ga qaytishi mumkin.

«Manchester Siti» esa Ndiaye uchun kurashda g‘olib chiqish niyatida qat’iy. Xabarlarga ko‘ra, futbolchi va klub o‘rtasidagi muzokaralar ijobiy ruhda davom etmoqda.

«Shaharliklar» ham kelishuv doirasida o‘z futbolchilaridan birini «Everton»ga taklif qilishi mumkin. Jek Grilish Mersisaydga qaytishga qiziqish bildirmoqda.