«Манчестер Сити» ҳужумчиси Эрлинг Холанд Англия Премьер-лигасининг 2-турида «Кристал Пэлас» устидан қозонилган 4:1 ҳисобидаги ғалабадан кейин ўз фикрларини билдирди.
«Мавсумолди тайёргарлиги жуда қисқа бўлди. Шерки ҳали беш ҳафта олдин Жаҳон чемпионатида ўйнаётган эди. Ўйиндан ўйинга оптимал ҳолатимизга қайтиб борамиз, бунинг учун яна бир нечта учрашув ўтказишимиз керак.
Бугун «Сити» яхши ўйнади. Бизда янги мураббий бор, аммо аввал ҳам бирга ўйнаганмиз. Бундан ташқари, таркибга бир нечта янги футболчи қўшилди. Нима қилишимиз кераклигини биламиз ва тизимга ишонишимиз лозим.
Фил Фоден? Биз бирга ўйнашда давом этишимиз, қаерда энг самарали эканимизни ва майдонда қандай ҳамкорлик қилишимиз кераклигини тушуниб олишимиз зарур. Жамоамизда жуда кўп кучли футболчилар бор ва ҳар бири учун муносиб ўрин топишимиз керак.
Фил ишлашда давом этиши лозим, чунки унинг қанчалик кучли футболчи эканини биламиз. Энг муҳими — буни ҳафтадан ҳафтага майдонда кўрсатиб бориш. Бу барчамиз учун олдинга ташланган тўғри қадам. Энди бу муваффақиятни давом эттиришимиз керак», — деди Холанд BBC'га.
«Манчестер Сити» мавсум бошидаги иккинчи ғалабасини қўлга киритиб, АПЛ турнир жадвалида биринчи ўринга кўтарилди. «Кристал Пэлас» эса кетма-кет иккинчи мағлубиятини қабул қилди ва жадвалнинг сўнгги поғонасида қолди.
Кейинги турда «Манчестер Сити» ўз майдонида «Ковентри»ни қабул қилади. «Кристал Пэлас» эса сафарда «Фулхэм»га қарши майдонга тушади. Ҳар икки учрашув 5 сентябрь куни бўлиб ўтади.
