«Монако» Мексиканинг «Крус Асуль» клуби таянч ярим ҳимоячиси Эрик Лира трансфери бўйича оғзаки келишувга эришди. Инсайдер Фабрицио Романо маълумотига кўра, келишув якунланиш арафасида.

«Монако» 25 ёшли футболчи учун «Крус Асуль»га 8 миллион евро тўлайди. Яна 3 миллион евро бонуслар кўринишида назарда тутилган. Шунингдек, Мексика клуби Лиранинг кейинги трансферидан тушадиган маблағнинг 20 фоизини олади.

Ҳозирча битимни расмийлаштириш учун битта масала қолган. «Монако» жамоа қайдномасида қўшимча ўрин бўшатиши керак. Шундан сўнг томонлар ҳужжатларни расмийлаштириш ва шартномани имзолаш жараёнига ўтади.

Эрик Лира «Крус Асуль» сафида 200 дан ортиқ учрашувда майдонга тушган. Шунингдек, у Мексика миллий терма жамоаси таркибида 29 та ўйин ўтказган.