«Бавария» бош директори Ян-Кристиан Дризен жамоа вингери Майкл Олисени янги шартнома билан таъминлаш масаласи ҳақида фикр билдирди.

Бу ёзда француз футболчиси мадриднинг «Реал» клубига ўтиши мумкинлиги ҳақида кўплаб хабарлар тарқалди. «Қаймоқранглилар» қизиқиши фонида мюнхенликлар Олисени жамоада сақлаб қолиш учун унга яхшиланган шартнома таклиф қилиши мумкинлиги айтилган эди.

«Айни пайтда Олисе билан музокара олиб бормаяпмиз. Унинг шартномаси 2029 йилгача амал қилади, шунинг учун шошилишга ҳеч қандай сабаб йўқ», — деди Дризен.

Ҳозир «Бавария» асосий эътиборни Харри Кейн билан янги келишув тузишга қаратган. Англиялик ҳужумчининг амалдаги шартномаси келаси ёзда якунига етади.

Майкл Олисе жума куни Бундеслиганинг 1-турида «Штутгарт»га қарши ўйинда гол уриб, Венсан Компани жамоасининг 5:1 ҳисобидаги йирик ғалабасига ҳисса қўшди.