"Ливерпуль" ва "Милан" клубларининг собиқ ярим ҳимоячиси Сусо футболчилик фаолиятини якунлашга қарор қилди. Бу ҳақда "Кадис" матбуот хизмати маълум қилди.
32 ёшли испаниялик футболчи 2025 йилда қўшилган "Кадис" клубининг элчиси сифатида фаолиятини давом эттиради.
Ўтган мавсумда Сусо Испания Сегундасида 27 та учрашувда майдонга тушиб, 1 та гол урди ва 3 та голли узатмани амалга оширди. Шунингдек, у 4 та сариқ карточка олган.
Фаолияти давомида Сусо "Севилья", "Женоа" ва "Альмерия" клубларида ҳам тўп сурган.
Испания миллий терма жамоаси сафида эса 5 та учрашув ўтказган ва самарали ҳаракат қайд этмаган.
