«Милан» раҳбарияти ёзги трансфер ойнаси ёпилгунига қадар ҳужум чизиғини кучайтириш учун футболчи сотиб олишни режалаштирмоқда. Бу ҳақда Sky Sports журналистлари хабар берди.
Манба маълумотига кўра, Италия клуби қизиқиш билдираётган футболчилардан бири «Ноттингем Форест»нинг ҳужумкор ярим ҳимоячиси Омари Хатчинсон ҳисобланади. «Россонерилар» 22 ёшли футболчининг трансфери бўйича «Ноттингем Форест»га сўров юборди.
Хатчинсон ўтган йилнинг августида «ўрмончилар» сафига қўшилган. Унинг амалдаги шартномаси 2030 йил июнь ойи охирига қадар амал қилади. Transfermarkt Омари Хатчинсоннинг бозор қийматини 30 миллион еврога баҳоламоқда.
