«Ал-Аҳли»дан кетганидан сўнг эркин агент мақомига эга бўлган ярим ҳимоячи Франк Кессье «Ювентус» клубига Турин жамоасига ўтмаслигини расман маълум қилди.
Томонлар бир ойдан ортиқ вақт давомида музокаралар олиб борди ва ҳатто шу ҳафта Миланда шахсан учрашди. Кессьенинг «Ювентус»га ўтишига ҳеч қандай тўсиқ йўқ эди — туринликлар футболчи учун жой бўшатиб, Фабио Миреттини «Бешиктош»га сотган эди. Бироқ ивуарлик футболчи трансферни амалга ошириш учун зарур шартлар мавжуд эмас, деган қарорга келди.
Аввалроқ 29 ёшли ярим ҳимоячига «Рома» клуби ҳам қизиқиш билдираётгани хабар қилинган эди. Италияда трансфер ойнаси 1 сентябрь куни ёпилади.
