«ПСЖ» ва Франция терма жамоаси вингери Брэдли Баркола «Ливерпуль»га ўтишга яқин.
Инсайдер Фабрицио Романо хабар беришича, тиббий кўрик якшанба кунига белгиланган. Шундан сўнг 23 ёшли футболчи Англия клуби билан 2031 йил июнигача мўлжалланган беш йиллик шартномани имзолайди.
Манбага кўра, трансфер суммаси 106 миллион фунт стерлингни ташкил этади. Бундан ташқари, бонуслар сифатида яна 17 миллион фунт тўланиши мумкин.
Баркола 2023 йилдан буён «ПСЖ» сафида ўйнаб келмоқда. У клуб таркибида 152 та ўйинда майдонга тушиб, 39 та гол урган ва 37 та голли узатмани амалга оширган.
