«Ливерпуль»нинг собиқ футболчиси, ҳозирда Қатарнинг «Ас-Садд» клуби футболчиси Роберто Фирмино мерсисайдликлар ҳужумчиси Александр Исакни жамоада ўзини кўрсатишга уринаётгани учун қўллаб-қувватлади.
«Алекс ижобий кайфиятни сақлаб қолиши керак. Барча ҳужумчилар қийин даврларни бошдан кечиради, аммо у аввалги йилларда Премьер-лигадаги энг яхши футболчилардан бири эканини аллақачон исботлаган. «Ливерпуль» каби катта клубда ўйнаганингда, айниқса сен учун катта маблағ тўланган бўлса, доимо босим бўлади. Аммо у шунчаки хотиржам бўлиши керак ва ишонаманки, голлар ҳам келади.
Алексни ўтган мавсумдаги ўйинларига қараб баҳолаб бўлмайди, чунки у жароҳатлар сабаб кўплаб учрашувларни ўтказиб юборди. Бу клуб учун ҳам умуман олганда оғир мавсум бўлди. Аммо ҳозир янги мураббий билан янги бошланиш. Ишонаманки, у атрофидаги футболчиларга кўникиб, кўпроқ имкониятга эга бўлгани сайин ўзига бўлган ишончи ортади.
9-рақамли ҳужумчи бўлиш, голлар уриш ва жамоага ғалаба қозонишда ёрдам бериш учун бундан яхшироқ жой йўқ. «Энфилд» — ўзига хос жой. Сен «Ливерпуль» учун бор кучингни берсанг, мухлислар сени қўллаб-қувватлайди. Мен унга ишонаман», — дея Фирминонинг сўзларини The Athletic келтирмоқда.
