Бироз олдин Бундеслиганинг 1-турида «Кёльн» ўз майдонида «Хоффенхайм»ни қабул қилиб, 3:2 ҳисобида ғалаба қозонди.

Учрашув бошида меҳмонлар ташаббусни ўз қўлига олди ва тез орада ҳисобни очди. Бамбазе Контенинг узатмасидан сўнг Адам Дагим рақиб дарвозасини ишғол қилди. «Хоффенхайм» танаффусгача минимал устунликни сақлаб қолди.

51-дақиқада «Кёльн» ҳисобни тенглаштирди. Саид Эль-Мала жамоасига муҳим голни тақдим этди. Орадан олти дақиқа ўтиб, «Хоффенхайм» яна олдинга чиқиши мумкин эди, аммо Макс Мёрштедт пенальтини аниқ амалга ошира олмади. Шундан сўнг меҳмонлар таркибида Озан Кабак гол урди, Владимир Цоуфал эса унга ассистентлик қилди.

Бироқ «Кёльн» таслим бўлмади ва иродали ғалабани қўлга киритди. Жамоа ҳужумчиси Тейс Даллинг дубль қайд этиб, мезбонларга уч очкони тақдим этди.