Biroz oldin Bundesliganing 1-turida «Kyoln» o‘z maydonida «Xoffenxaym»ni qabul qilib, 3:2 hisobida g‘alaba qozondi.
Uchrashuv boshida mehmonlar tashabbusni o‘z qo‘liga oldi va tez orada hisobni ochdi. Bambaze Kontening uzatmasidan so‘ng Adam Dagim raqib darvozasini ishg‘ol qildi. «Xoffenxaym» tanaffusgacha minimal ustunlikni saqlab qoldi.
51-daqiqada «Kyoln» hisobni tenglashtirdi. Said El-Mala jamoasiga muhim golni taqdim etdi. Oradan olti daqiqa o‘tib, «Xoffenxaym» yana oldinga chiqishi mumkin edi, ammo Maks Myorshtedt penaltini aniq amalga oshira olmadi. Shundan so‘ng mehmonlar tarkibida Ozan Kabak gol urdi, Vladimir Soufal esa unga assistentlik qildi.
Biroq «Kyoln» taslim bo‘lmadi va irodali g‘alabani qo‘lga kiritdi. Jamoa hujumchisi Teys Dalling dubl qayd etib, mezbonlarga uch ochkoni taqdim etdi.
