«Реал Сосьедад» ҳимоячи Эктор Форт билан шартнома имзолаганини расман эълон қилди. Келишув 2031 йилнинг 30 июнига қадар амал қилади.

20 ёшли испаниялик футболчининг аввалги клуби «Барселона» эди.

Форт 2025/26 йилги мавсумни «Эльче» сафида ижара асосида ўтказди. У 16 та учрашувда майдонга тушиб, 3 та гол урди ва 2 та голли узатмани амалга оширди.

Transfermarkt маълумотига кўра, Испания U-20 терма жамоаси футболчисининг бозор қиймати 12 миллион еврони ташкил этади. «Реал Сосьедад» эса унинг трансфери учун 8,5 миллион евро тўлаган.