«Real Sosyedad» himoyachi Ektor Fort bilan shartnoma imzolaganini rasman e’lon qildi. Kelishuv 2031 yilning 30 iyuniga qadar amal qiladi.
20 yoshli ispaniyalik futbolchining avvalgi klubi «Barselona» edi.
Fort 2025/26 yilgi mavsumni «Elche» safida ijara asosida o‘tkazdi. U 16 ta uchrashuvda maydonga tushib, 3 ta gol urdi va 2 ta golli uzatmani amalga oshirdi.
Transfermarkt ma’lumotiga ko‘ra, Ispaniya U-20 terma jamoasi futbolchisining bozor qiymati 12 million yevroni tashkil etadi. «Real Sosyedad» esa uning transferi uchun 8,5 million yevro to‘lagan.
